Анир чимээгүйн гүнд

Амьсгал долгиолох ахуйд

Түүний үелзэлд

Хөвөөг зүлгүүрдэв

Чимээгүйн мэдрэмжийн

Түрлэгт хөдөлгөөн

Ус татарсаар

Урссаар…

Зүрхний цохилт

Бөмбөр нижигнэх мэт

Цусны эргэлт

Биеийн хэсэг бүрээр

Тасралтгүй хуйларч

Амьдрал бэлэглэнэ

Мэдрэлийн эсүүд дуулж

Гарын алган доторх

Салаалах мөчрөөс

Голион дууг

Мэдрэлийн эс бүр минь дуулна

Өөрийн дуу хоолойтойгоо

Омголон зан нэгэнтээ уйлж

Амьдрал зурагдсаар…